Eeefeljold

Höck wor esch ens luure ob in Drommet ad de Jinster blöht. Däh Schumschläjere us de Stadt saache emme Eeefeljold äver bei os hees dat enfach Jinster. Dä blöht emme enk Mai in de Huhfläsch ronk öm Drommet. Sieht jod us dat Jeäl överall em Jemös

Et hätt net lang jeduurt do wor et at e su wick, et itsde Jinsterstrüchelschje wor am blöhe

Et jing wigge, bei Keldenisch en de Bösch erinn. Do han esch e schön Päddschje jefonge, dat kannt esch noch ja net. Do kunnt me schön dämmele, jing janz leech eroppe.

Dat nächste Päddschje wor däm Palemössel vun Harvester zum Opfer jefalle. Han esch keen Bildschje jemaat. Döresch Kall jing et de Bersch eroppe, vun de Loshardt jet dann e schön Päddschje wede eronge. Ben esch emme nur eroppe jefahre äver eronge mät et mie Spass 😁

Däh Ussjang am Kallbach wor jetz für Kneffelsbröde, han esch äver jeschaff 😂

Wedde eroppe, et jing bös Broich eroppe. Do mot esch janz schön deue. Äver ove jof et schön Päddschje döresch de Jinster

Dat Päddschje lanz de B258 eronge noh Schleede ös at baal zojewaachse, do wur et ens zick dat sone Deck we esch dat ens freiblös. Däh Sparjel us Schleede schaff dat jo net. 

Dann jing et at widde eroppe, äver ens rischtisch bäschtisch. Leggens de Katz an de Fott wor dat Stiel.

Noh Schüüre mot ich deue, do wär me bal de Kappes jeplatz. Äver ich ahn et jeschaff, un dann jing et och at wedde eraffe. E Schön Päddschje möt Jintser un Böm zebaschte 

Vun doh klar wedde eroppe, do mot esch at widde et Rentnerblatt erinn don, su stiel wor dat he at widde. Dann e schön Päddschje nohm Schofsbach eronge un dann em Berescheede Bach lanz wedde eroppe. Äver schön jeschmeidisch över Päddschje, dat kannt ich och noch ned

Dann wor esch endlich in Drommet. Dohinge han esch die aale Päddschje lanz den Panzestross mötjenomme

On dann wor et su wick .... de Huhfläsch vun Drommet. He un doh blöht de jinster äver bös alles am blöhe ös moss et noch en Woch denk esch. 

Un weil esch at ens do bön ben esch och en in Vuuelsang fürbei jefahre. Do wor et janze Stadtvollek ongewäs, un de Campere möm Wohnklo wore och do. Schnell jetz jejesse un wigge ing et 

Henge de Buresch jeht e schön Paddschje eröwe noh Morschbich. De Holztrepp is noch ned Morsch, dröm schnell eronge befür de wilde Ränschah kütt

Dann an de Kuckusley fürbei noh Jemönk un dann späde no Huss. Dat wor et dann ens widde

Dat wor e zünftesch Ründschje. Baal sebezesch Kilometere möt baal Fuffzehhondet Hühemetere dat det et für fürem Meddaachesse 😂